| betapop | Date: Friday, 2009-08-07, 7:45 AM | Message # 1 |
 Newbie
Group: Users
Messages: 8
Status: Offline
| Mere humsafar, tujhe kya khabar
Yeh jo waqt hai kisi dhoop chaaon k khel sa
Isay dekhtay, isay jhailtey
Meri ankh gard se att gai
Mere khwab rait main kho gaye
Mere hath barf se ho gaye
Mere bekhabar tere naam per
Wo jo phool khilte thay hont per
Wo jo deep jalte the baam per,
Wo nahi rahey
Wo nahi rahey K jo aik rabt tha darmiyan wo bikhar gaya
Wo hawa chali
Wo kisi sham aise hawa chali
K jo barg thay sar-e-shakhe Jan, wo gira diye
Wo jo harf darj the rait per, wo ura diye
Wo jo raaston ka yakeen thay
Wo jo manzilon k amiin thay
Wo nishan-e-pa bhi mita diye!
Mere humsafar, hai wohi safar
Magar aik morr k farq se
Tere hath se mere hath tak
Wo jo hath bhar ka tha fasla
Kai mosamon main badal gaya
Usay naptay, Usay kaat'tay
Mera sara waqt nikal gaya
Tu mere safar ka shareek hai
Mein tere safar ka shareek hon
Per jo darmiyan se nikal gaya
Usi faaslay k shumar main
Usi be yakeen se ghubar main
Usi rahguzar k hasar mai
Tera raasta koi aur hai
Mera raasta koi aur hai...
hy
|
| |
| |
