kki9

Theek kehtey ho
Mohabbat tu kisi bay deep Qabrustan ki
Boseeda si ik Qaber per
Who nassb kutba hay
Key jiss per saaf likha ho
Shaheed-e-rahay ulfat
Ashiq-e-nakam ka marqad……!

Mohabbat aik kutba hay
Laga hota hay jo aksar
Kabhi layla kay marqad per
Kabhi majnoo ki hasrat per
Kabhi soni kay matkay per
Kabhi ranjhay kay teeron per…..!

Mohabbat aik kutba hay
Kay jis per saaf likha ho
Mohabbat maot ki aghoosh may sir rakh kay sona hay
Mohabbat dil pay lahaq roog hay
Taa umer rona hay
Mohabbat raat bhar ka jagna hay
Jan khona hay…..!

Mohabat arzoo-o- hasrat-o-arman-o-kuwahish ki
Kisi maydan may rakhee hui aik aysee mayyat hay
Kay jis ko kandha dayney kay liye
Koi nahi aata…..!

Mager phir bhi
Mager phir bhi

Laboon per her kisi insane kay rakha hay ye jumla
MUJHEY TUM SEY MUHABBAT HEY…..

Koi mujh say ager kah day
MujhEy tum say mohaBbat hay
Tu dar jata hon may bayhad
Yah he bas wehem aata hay
Kay ye izhar ka jumla
Mohabat ka yah ik kutba
Phir kisi bay deep Qabrustan ki
Boseeda si ik Qaber ki
Zinat na ban jaey

Mohabbat ka yah kutba
Phir naee aafat na ban jaye…..!
Wohee kutba
Kay jiss per saaf likha hay
Shaheed-e- rahey ulfat
ashiq-e-nakaam ka marqad

Mani Iz Not Reminded.

Mohabbat kuch bhi nahi weraan ratoon ki lambi tanhaion ke sewa,
pur khaar rahoon ke kathin safar ke sewa,jhooti qasmoon dilfareb
wadoon ke sewa,khubsoorat sarabon ke sewa betabeer khuaboon ke
sewa,umer bhar ke azaboon ke sewa,dil se nikalti ahoon ke sewa,
dabi dabi si be awaz siskion ke sewa,misirgaan se girtey ansuoon
ke sewa,dil ko cheerti khalish ke sewa,judai ke malaloon ke sewa,
yadoon ke matem ke sewa,toot ke bikhartey rehney ke sewa,margham
ke tamazetoon ke sewa,ratjagoon ke tohfey ke sewa,jazboon ki
sileeb ke sewa,umer ganwaney ke sewa.....!Haan mohabbat kuch bhi
to nahi ghut ghut ke jiney marney ke sewa.....!

Mani Iz Not Reminded.